Journal of the Southwest
tricolor bar, black, white and brown
volume 35, number 3, Autumn 1993


The Journal of the
Southwest


Contents Volume 35, Number 3, Autumn 1993

edited by
Joseph Carlton Wilder

University of Arizona Press
The Southwest Center
Tucson

*

The Elder's Truth: A Yaqui Sermon

THE ELDERS' TRUTH (Go to the English translation)
Miki Masso

WAA YO'ORA LUTU'URIA

Miki Maaso

Yoem Pueblo
12/22/87

transcribed, translated, and annotated by
Felipe S. Molina and Larry Evers

Yaqui Deer Dancer

a pos empo vea ameu vicha a teuwane ___________________001
uka lutu'uriata in nokaka'u
vempinto kaivu tua ne hikkaine
nepo vea enchi tehwa bwe kia vea emowa teuwane empo vea

Felipe Molina (FM):

heewi
nian hia on . . .
bwe manta pensaroa
empo witti a teuwane heewi
uka lutu'uriata ameu a teuwane
wate enchi hikkame
wate into revereveti a hikkame to ______________________010
ka si'imek hikkaine
to chukula ni vea im vea empo gravaroa
num vea empo si'imek teuwane
nepo vea chukula veana
ringo nokiu vicha yechane
vempo'im na makak
vempo vea a nokne
nuen vea nuen hia . . .
tu'isi witti yen simnetea

MM:

heewi _________________________________________020

FM:

empo vea kia witti a weiyane Yoem nokpo

nuen vea a huneiyane

MM:

heewi

pues uusim itepo
inim to hokame itepo
vahikai
waka woi vahi lutu'uriata ket men kechia
eme a waata
into wa enchim hiapsi
enchim mamm sentidom ket men ket eme ______________030
a waata kechia eme inika waka
lutu'uriata polove erensiata hakwosa iat
tiempopo
waka yo'ora lutu'uriata eme waata
eme aet hiapsek
eme aet hiapseka na kuakte
into eme act hiapseka yeu matchu
into eme aet hiapseka to'ote

si'imeta eme aet pasaroa waka severiata

si'imeta
hi'ibwapewamta va'ahipewamta ____________________040
kotpewamta yeetem si'imeta eme aet pasaroa
to eme inika ta'avae a waka woi vahi lutu'uriata waka
yo'ora lutu'uriata hakwosa vea tiempopo
ite huni ka
itepo huni ka huname yo'oram itepo ka am ta'a
into inepo ka am ta'a
eme san si
waka woik vahik lutu'uriata ket inim wame maso
bwikleom huevenakai
inim bwiapo emou kom yaaha|
inim bwiapo emo mak na kuakte
wawatekai achaim ______________________________050


unidentified image

hunaman itom
hiak vatwe vetana avo emou kom yaaha
waka uhbwanta weiyakai inim wain emou kom yaaha
inim wain vicha rehte
to waka inika polove erensiata mika a huneiyakai
inena huneiyakai emou inim kom yaaha
eme intoket hunaitwelichi
eme a hikkahak waka nokta
eme amet a mammattek
to eme tua a huneiyavaeka _____________________060
hunaman in hoara solarpo
ket neu yahak inime achaim tua ne wok hiawak
haksa in katekapo
into haksa in na weyepo
tua net cha'aka waka
pasota wokita yak
aet tatavuhtek
iansu ket min oora weye wa enchim uhbwani into wa
inen enchim teuwaka'u into inen enchim ne
hikkaevae'u
inimi'i enchim
pweplopo inimi'i enchim na kuahktepo ___________070
waka woi vahi lutu'uriata
eme a huneiyavae
ne huni kechia inepo kechia
waka yo'ora lutu'uriata
haksa chea inepo waka yo'ora lutu'uriata chea tu'ik
inepo teune
to mepo kechia
neu ka eteowak im'i
como ian enchim eteho
inian kave newa teuwak into inian kave tulisia newa teuwak
waka woi vahi lutu'uriata
haisa ina ta'ane'u ___________________________080
into haisa ina huneiyane'u
ka newa teuwak
tane
aam hikkahak ala waka hiawata ne hikkahak como emo venasia
to inena bwikne into im wami into ineni ti kave neu hiak
porque hunak wa yo'ora lutu'uria
hunak tiempopo nakwan
yo'oriwan ini'i inim vo'okame
itom hokapo
wa karpeta yo'oriwan
into wame hirukiam inim to'okame woika vahika inim to'okame 090
ka kia have hunt amet mammamtetuawuan
porque hunak wa yo'ora inika naken
hunait mamtekatek haivu kia
noki ama aune
ka kia have hunt act mamtene
hakkuvo weyekai
tua ama aune . . .

inika itom waka hirukiata tovoktako act mamtekatek
waka bwe'um hiapsekame
tenku aniapo vea a vitne inika'a
itom inim polove lutu'uriata ___________________100
inian a teuwasuk

e achai
e nuhmeela
kat act mamma iniachi
nim vo'okamtachi

hiovukun hune ka kome ti hiune
porque ni wa yo
yo ania
inian lutu'uria katek
inian vempo a naksuk ______________________110

yo ania ini'i
ka kia hunt have act mammane
inian a teuwak huname wame yo'ora
inim bwan bwiapo na kuaktisukame
ne hunt ka am ta'ak
into vempo huni ka ne a mahtak
poke inian neu hiusuk
inika ne mahau tetewasuk
ka ian emo venasia in emo vicha a teuwa venasia
kave inewa teuwak
into ke in achaitakai
into wa chea in sai yo'o takai huni'i ____________120
ka inian newa teuwak
kave ne mahtak
ne kia waka hekata chasisimemta hunaka inepo
inepo a bwisek
into in kovapo namyak
into wa dios humak hunen hia
into wa hua ania vetana wa
yo ania humaku'u into wa
huna humak hunen hia yo hoara humak
mika humak ne makak ____________________130
huntukson mepo
waka hekata . . . .
vem hikka vem bwiksuka'u into vem hikkaisuka'u
chea vatnataka vem hikkaika'u hunaka lutu'uriata
in kovapo taawak in mamni sentirompo taawak
hunuen na huneiyak
ka iniam
emou vicha
ma teuwa kave inewa teuwak
iman ket eme act mammattene
ma inepo nim kateka emou vicha a teuwa ho
tulimaisine emou vicha kateka a teuwa _______140
to ini itom hakwo . . . yo'oriwa nakwa
tua wa maso bwikreo yo'owe ka amau vicha
ye viva mimika
into wa sewundo ka amau vicha
ye viva mimika
into wa chea ultimou katekame hum ka
ye amau vicha vivata mimika
into wa vaa hiponreo hum'i into ka au
viva netanwa
into ka amau vicha nooka
into wa maso bwikreo yo'owe huni ka amau
vicha nooka
iyimin kaveta yopna
amau vicha kaveta yopna
intoke tua ka nooka huni'i _______________150
anaka a nokna waka hua aniapo waka
sea yolemta
hunaka nokria ala
porke inian katek
inian a teuwasuk wame yo'ora lutu'uria
inian a tookokok to inepo ka am
vichak
inian waka hekata waka vuitemta
inen ne amet a hikkahak
hunamani
pitaya pweplopo
inen ket ne amet a hikkahak _____________160
to huname yo'ora kokosuk
Jose Maria Hapachituka'u
intuchi wa Galavis
ket inian a teuwak intuchi ket wa senu yoeme
Luis Chone'elateame
Aldamasteame ket inian teuwak
tua inian in mampo a tosiika huna'a
tua huname kechia hubwela au haptek
to ian wame . . . chea yo'ora lutu'uria inian a hikkahak
to huname yoem yo'owe ka ne mahtak
huntuksan inepo vea hunaitchi ___________170
yeu sikapo vea inepo vea inika'a
waka bwikata haisa ina natene'u
to huname ka ne tehwak
to hunaka waka hekata
waka chasisimemta polovesi ina mavetakapo amani
hunaka lutu'uria
to ne . . . to inepo huni ka hunea . . .
to ne waka polove waka erenciata
neu toosakawakamta
wame pahkom

o chea malatune ____________________180
o chea achalitune
chea ito venasia polovetune

continue


Through Our Parents' Eyes