Journal of the Southwest
tricolor bar, black, white and brown
volume 35, number 3, Autumn 1993


The Journal of the
Southwest


Contents Volume 35, Number 3, Autumn 1993

edited by
Joseph Carlton Wilder

University of Arizona Press
The Southwest Center
Tucson

*

The Elder's Truth: A Yaqui Sermon (continued)

untitled image

hunaimak ne kiktesime
waka uhbwanta in mampo yehteko

tua ne hunaka hiokoleka ne na weye
ubwanta
weiyamta
polovesia waka vatorata
santorata
wohnaiki pweplom santa iglesiam ____________________190
vellekatana hokame
into waka vihperam yumako
wame bwere pahkom
inen tam mavetak
men to amet paso wakte
tua inia veeki tiempo weye
men ne amet ne
ka tu'ik
into waka tu'ik
inen ne amet a vitchime
inen ne a huneiyak inepo __________________________200
eme ket men a pasaroane inimi'i
tua polovesimachi
tua ka aou pappewasimachi
to ket eme inian a inene
tua chea vatnatakai apo senor Dios achai o'ola
tua inika'a ka emou chupane
to inian machi wa . . .
Dios Senor achai o'ola apo enchim arcane
enchim takaa into waka enchim hiawai
tua kave emou omtine ___________________________210
tua kave emou waka huenak pensaroane
porke ka tu'i
porke hunama ka ye ania
wa ubwanta itom mampo yechakame
ka ye ania
waka ko'okoata ama aukapo
ka ye ania
chewa polove
inen ubwanta hosuk
ian into to aman kechia __________________________220
wa ili hittoata vetchivo to aman a makne
polovesi ko'okoe
aman to vikne
ti kave eu hiaka eu hahaptene
hunaka enchi tu'ika weamau ala
wa tui servisio en mampo yehtene
tua hunak empo
hunama vo'oka petenciapo vo'oka vea
iii vaa emo mimikaka
o wana _____________________________________230
ka pappeaka vo'oka huni empo yehteka vea
empo pensaroane
si'imeta pensaroane

ne wana tu'ika weamau
into ke have hum waka ubwanta in mampo yechane
hiva empo pensaroane
e'e to ket Dios ket apo enchi aniane
into wa hua aniapo wa yoeme
huna ket wa sea yoleme ket enchi aniane
huna ket ito vetchivo __________________________240
santik iglesiam
wohnaiki pweplo santik iglesiam hooka
wam hua aniapo
kaupo
haksa ha'am
wam pocho'oku
chea yo aniapo
hunama hooka
hunama si'ime ayuk
wa enchim inim itou nattemai'u __________________250
into wa enchim neu nattemai'u
inian a huneiyaka ket eme
vichau vicha ket eme at tekipanoane
inepo kechia
ket emo venasi ne ket
inian a ta'apean
to inepo ka inian a makwak
into ne ka inian a huneiyak
inian a huneiyaka
wame enchim ______________________________260
chikti mammi sentidom
hikau tahtahti tonnuatuaka vellekatana
eme act mammatteka act paso waktine
into eme act kupteka totene

act remtisakane
act emou temaine
eme chea uusim

ka yo'owe
inen enchim mampo taawane wa lutu'uria
enchim sentidompo inen ket eme a mammattene ___270
enchim mampusiam enchim nunubwa vetana
vatan vetana waka mamm sentidota haisa eme a hippwe
hunum katek wa enchim wa enchim mampusiampo
natekai vatan vetana ayuk
nu wa enchim sentidompo katek
mamm sentidom ti katin hihia wame yo'ora inian na
kuaktisukame
tua inian eme a huneiyaka
act yeu matchusakane
act kuptisakane
nuhmeelam inim hokame
into waka sewa yolemta ____________________280

waka nokta

inen ket eme a waata
into ket inen ket eme a huneiyavae
iniet chukula kechia
waka kanaria naate
inika huni ka ne mahtasuk
inika si'imeta ka ne tehwaasuka
polovesi ne im katek
polovesi to inim hooka
in usimmake ____________________________290
vahimmake inim ne katek
inepo am usek inime'e emo venasia
como haisa enchim yoemiam
yoemiamtukapo amani
inien nam uusek
to inime hum ne
waka woi vahi lutu'uriata ka teuwak
to ket vempo ket haisa auka
polovesi ket inim kechia
waka inika'a
kaveta au yumao _______________________300
kaveta au pappeo'u
ket men kechia
netwelisi ket humak a makwak
wa yo ania humak ke men ket a
waka . . . men ket

inien ne
aet
vem na kuaktinepo huma imen a makwak
kechia vempo humaku'u
to tuasu tu'i kechia
ket halekisia ket _______________________310
au hapsakane
to inepo ne im aane
wa Diosta taewaim ne mikau
inepo ne waka tui lutu'uriata ket
inepo warn in hoara solarpo
in na kuaktepo men ne am tehwane inepo
tua inien ket eme a huneiyane
into imen eme am huneiyane
inime in uusim
emo venasi uusim
inim emo vicha hokame
vaataponamta ________________________320
Julian

iyim neu katekame into
Cresencio

wannavo neu katekame into
Ramon
nen ket eme a huneiyane
inime waka hua amata
vichau vicha eteho
yo aniata
kaupo aukamta ______________________330
waka yo'ora lutu'uriata kaupo
vem na kuaktisukapo
waka kutata
waka huyata
kauta tetata va'ata si'imeta
men a eteho waka yoawata aet
na weesuka'u
wame yoawam
haksa sene'ekapo nau yahaka
waka va'ata vem haiwa'u
men ket a eteho _____________________340
inian natwelisi a ta'a
huntukson ama na vuhti achaim
wa woi vahi lutu'uria

waka kanariata
enchim hikkaivaepo amam
into inen enchim a ta'avaepo amani

hakkuvotana yeuwa sikapo
into hakkuvotana yeuwa weye'u
into haksa orapo yeuwa weye'u

inen eme a hikkaivae waka si'imeta ______350
nokta
nen eme a waata
into inien eme a hikkaivaeka
nim wakim vicha
waka woi vahi lutu'uriata net hikkaivaeka
ket avo vicha eme ne nunuk
avo vicha to paso waktek
chikti im yoremiammake mochalanawi
nim to yeu yahak
enchim hoara solarpo _______________360
ta inen ket to waka woi vahi lutu'uriata
haksa chea inepo a teune waka
chea yo'ora lutu'uriata
vem act na kuaktisuka'u
huname kave

polove
tolochiataka hehheka
hakun tiempopo luutek huname'e
waka see'eta veletchik
hum to hakam vitne
tua to kantelammak haiwakka huni'i
kantela taemachiriamake haiwakka huni'i 370
to kaveta to hak vitne
to men in mampo taawak wa lutu'una
wa woh naiki pweplom santik iglesiam vellekatana
in tekipanoane'u
ka in mampo a sutohak vempo
wa hiawai wa vem teuwaka'u
men ket in kovapo taawak
huna
hunatuka'u wa woh naiki pweplo santik iglesiam
vefekatana
inepo a teuwasuk
into inepo act hikkubwawa _________380
into inepo act ta'ewa
iman ket eme a huneiyane
nuhmeelam inim hokame
ni wa woi vahi lutu'una
men ket chea vatnaataka

senor itom achai Diosta
vatan vetana mampo tawak
into wa itom aye Maria santisima
vatan vetana mampo tawak
act chukula ket inen enchim mampo tauwak 390
eme men ne act nok hikkahak achaim
nuhmelam yen tahtia wa woi vahi lutu'uriata

FM:

heewi

MM:

tua su tu'i

ian intoko
waka naate bwikata eme a hikkaivae
ta chea vatnataka enchim to fsensiapo
senoresim in achaim
wa vato'ora im aneme
to chea vatnataka enchim to lisensiapo ___400
achaim
yeu tahtia
nuen enchim mampo taawak

FM:

heewi

MM:

nuen eme a huneiyane

FM:

heewi, chiokoe uttesia

 

Song 1

aaaa ____________________________407

as iminte yeute hoteka
woika vahika sea
hipetampo yeute hoteka
iminte yeute hoteka
woika vahika sea
hipetampo yeute yo hotekaaaa

aa iminte yeute hoteka ______________410
woika vahika sea
hipetampo yeute hoteka
iminte yeute hoteka
woika vahika sea
hipetampo yeute yo hotekaaaa

aa iminte yeute hoteka
woika vahika sea
hipetampo yeute hoteka
iminte yeute hoteka
woika vahika sea
hipetampo yeute yo hotekaaaa

ayamansu seyewailo yo mayachilo vevetana
imte yo sewa yolemeta sewa sewa tevachiapo
ime itom yo sea hilukiam ka
sea momovela yewa yeute hoteka
iminte yeute hoteka
woika vahika sea
hipetampo yeute yo hoteka

ho inian hia achaim wa
naate bwika inian eme a huneiyane achaim
ime vat naate
act chukula intuchi wa _____________420
maaso kechia yeu wevae wa sewa yoleme kechia
man ket naate
hua aniapo haksa aniapo yewa sikapo . . .
inian ket eme a huneiyane

 

Song 2

aaaa

ai sewailo malichi yeulu siika
ika yo taa'ata yo vali kuakte
waimake yewilu siika sewailo malichi
sewailo malichi yewilu siika
ika yo taa'ata yo vali kuakte
waimake yewilu siika sewailo malichi

ai sewailo malichi yeulu siika
ika yo taa'ata yo vali kuakte
waimake yewilu siika
sewailo malichi sewailo malichi yewilu suka
ika yo taa'ata yo vali kuakte
waimake yewilu siika sewailo malichi

aa sewailo malichi yewilu siika _______430
ika yo taa'ata yo vali kuakte
waimake yewilu siika sewailo malichi
sewailo malichi yewilu siika
ika yo taa'ata yo vali kuakte
waimake yewilu siika sewailo malichi

aa sewailo malichi yeulu siika
ika yo taa'ata yo vali kuakte
waimake yewilu siika sewailo malichi
sewailo malichi yewilu siika
ika yo taa'ata yo vali kuakte
waimake yewilu siika sewailo malichi

aa sewailo malichi yeulu siika
ika yo taa'ata yo vali kuakte
waimake yewilu siika sewailo malichi
sewailo malichi yewilu suka
ika yo taa'ata yo vali kuakte
waimake yewilu suka sewailo malichi

aa sewailo malichi yewilu siika
ika yo taa'ata yo vali kuakte
waimake yewilu siika sewailo malichi
sewailo malichi yewilu siika
ika yo taa'ata yo vali kuakte
waimake yewilu siika sewailo malichi

aa sewailo malichi yewilu siika
ika yo taa'ata yo vali kuakte
waimake yewilu siika sewailo malichi
sewailo malichi yewilu siika
ika yo taa'ata yo vali kuakte
waimake yewilu suka sewailo malichi

continue